20 шілдеде Бірыңғай дистрибьютор Қазақстандағы медициналық жабдықтар өндірісін оқшаулау мәселелері бойынша жапондық Atom Medical Corporation компаниясының өкілдерімен онлайн-кездесу өткізді.
Кездесуге компания атынан менеджер Mr Tatsuya Aoki және Ғаламдық бизнесті дамыту бөлімінің менеджері Mr Keisuke Watanabe қатысты.
Atom Medical Corporation медициналық жабдықтарын өндіруші, дистрибьютор, сарапшы және импорттаушы 1938 жылы ресми түрде құрылған және АҚШ пен Филиппинде екі филиалы бар.
Atom medical USA Солтүстік Америкада сауда базасы ретінде қызмет етеді және Atom Medical шығарған инкубаторлар мен басқа өнімдерді бүкіл елдегі, Канада мен Аляскадағы ірі ауруханаларға сатады. Atomed CEBU – Филиппиннің Себу аралында орналасқан бір реттік медициналық бұйымдар шығаратын зауыт. Зауыт әлемдік нарыққа өнім жеткізеді.
Қазақстанда Atom Medical Corporation өнімдерінен жаңа туған нәрестелер мен сәбилерге арналған оннан астам жабдық тіркелген. Айта кету керек, ДЗСҰО мемлекеттік тізілімінде ұқсас медициналық жабдықтың 20-дан астам өндірушісі тіркелген. Сондай-ақ, Қазақстанда Чехия, Бразилия, Қытай, Дания, Австралия, Литва, Венгрия, Швейцария, Германия, АҚШ, Ресей, ҚР өндірісі инкубаторларының 1-2 моделі тіркелген.
Сондай-ақ, тараптар медициналық техниканы жеткізуге тікелей келісімшарттар жасасу тетіктерін талқылады. Өндіруші зауыттармен тікелей шарттар жасасу жөніндегі жұмыс Бірыңғай дистрибьютор қызметінің басым бағыттарының бірі болып табылады.
Естеріңізге сала кетейік, Мемлекет басшысы дәрілік заттар мен медициналық бұйымдарды сатып алу үлгісі бойынша Бірыңғай дистрибьютор базасында медициналық техниканы орталықтандырылған сатып алуға көшуді тапсырды. Тапсырманы орындау үшін медициналық техниканы орталықтандырылған сатып алуды екі кезеңде жүзеге асыру жоспарлануда. Бұдан әрі қаржыландыру көздерін айқындай отырып, таяудағы бес жылға арналған медициналық техникамен жарақтандырудың республикалық бағдарламасы бекітілетін болады.
Сонымен қатар, Президент дәрілік заттар мен медициналық бұйымдардың жаһандық өндірушілерімен ынтымақтастықтың, инвесторларды тартудың, технологиялар трансферті мен жаңа әзірлемелерді қамтамасыз етудің маңыздылығын атап өтті.
Осы тапсырмаларды орындау барысында «СҚ-Фармация» Бірыңғай дистрибьюторы әлемдік медициналық техника өндірушілерімен орталықтандыру механизмдерін, оның ішінде өндірісті оқшаулау шарттарымен әзірлеу бойынша жұмыс бастады.
Анықтамалық:
Atom Medical Corporation – компаниясының тарихы 1938 жылдан бастау алады.
Қазір Atom Medical Corporation неонатологияға арналған медициналық жабдықтарды жеткізу бойынша Жапония нарығында танымал көшбасшы, ал компанияның өнімдері елдегі жаңа туған нәрестелердің өлім-жітімін 1/1000-ға дейін төмендетуге мүмкіндік берді.
Инновациялық технологиялар, сапаны қатаң бақылау, қызметкерлердің кәсіпқойлығы, ең бастысы – қоғам алдындағы өз жауапкершілігін сезіну Atom Medical компаниясына жаңа туған нәрестелерге арналған жабдықтарды, соның ішінде әлсіз және шала туған сәбилерге арналған инкубаторлар мен жылытқыштарды шығаруға мүмкіндік береді, олар әлемдік стандарттарды белгілейді.
Табыстың негізі – мұқият талдау және дайындық. Компания ғылыми институттармен қатар неонаталдық жабдықтарды әзірлеуге қатысады, сондай-ақ мамандар клиницистердің озық тәжірибесін назарға алады.
Atom Medical дистрибьюторлары әлемнің 75-тен астам елінде бар.
.png)
