10 қараша - Бірыңғай дистрибьютор "СК-Фармация" Canon Medical Systems Corporation компаниясының өкілдерімен кездесу өткізіп, Қазақстанда Canon медициналық техникасын оқшаулау/келісімшарттық өндіру саласындағы ынтымақтастық жоспарлары талқыланды.
Кездесуге Бірыңғай дистрибьютордың басқарма төрағасы Е.Искалиев, басқарушы директор-Басқарма мүшесі Н.Қансұлтан, Стратегия басқармасының бастығы – А.Сыздықова, Медициналық техниканы сатып алу қызметінің мониторингі бөлімінің бастығы – Н. Палинка, сондай – ақ, "KAZAKH INVEST" АҚ ұлттық компаниясы басқарма төрағасының орынбасары - Р. Ибраимов қатысты.
Canon Medical Systems Corporation компаниясынан RP Canon Medical Systems LLC Президенті Юаса Наокадзу, Rp Canon Medical Systems LLC бас директоры Денис Чередниченко, Canon Medical Systems Corporation сатуды жоспарлау бөлімі менеджерінің орынбасары Ричардсон Наоко, "Канон Медикал Системз" АҚ ҚР филиалының бас менеджері Гаухар Мусина қатысты.
Кездесу барысында Canon Medical Systems Corporation компаниясының өкілдері медициналық техника өндірісін оқшаулау және Ресейдегі МЖӘ жобаларына қатысу, соның ішінде Мәскеу қаласының Денсаулық сақтау ұйымдарының қажеттіліктері үшін өмірлік цикл келісімшарттары шеңберінде компьютерлік томографтарды жеткізу бойынша тәжірибелерімен бөлісті.
Кездесу барысында тараптар медициналық техникамен жарақтандырудың проблемалық мәселелерін, оның ішінде жарақтандыруды жоспарлау, медициналық техниканы пайдалану тиімділігі, мамандарды даярлау (денсаулық сақтау ұйымдарының медициналық және техникалық персоналы), сервистік қызмет көрсету мен жөндеуді жетілдіру мәселелерін талқылады.
Сондай-ақ, МЖӘ саласындағы ынтымақтастық перспективалары мен қатысу бойынша ұсыныстар, лизингтік және инвестициялық жобалардағы, өндірісті оқшаулау жөніндегі жобалардағы әлеует, Қазақстанда медициналық техникамен жабдықтау тәжірибесіне өмірлік цикл келісімшарттарын енгізу бөлігінде ұсыныстар айтылды.
Кездесу қорытындысы бойынша тараптар өзара ынтымақтастыққа қызығушылық танытты. Атап айтқанда, Қазақстанда Canon медициналық техникасын оқшаулау/келісімшарттық өндіру саласындағы ынтымақтастықты, сондай-ақ Қазақстанда медициналық техникамен жарақтандыру тәжірибесіне өмірлік цикл келісімшарттарын енгізу саласындағы ынтымақтастықты дамыту қажет.
Анықтама: Canon Medical Systems Corporation (Toshiba) – штаб-пәтері Жапонияда орналасқан медициналық жабдықтарды өндіруші. Компания рентген диагностикасын, сондай-ақ компьютерлік және магнитті-резонансты томографияны дамытуда пионерлердің бірі болды. Қазіргі уақытта Қазақстан Республикасында Canon өндірісінің медициналық техникасының 20-дан астам моделі тіркелген, олар компьютерлік және магниттік-резонанстық томографтарды, позитрондық-эмиссиялық томографты, ангиографиялық қондырғыларды, УДЗ сканерлерін, жалпы мақсаттағы рентген жүйелерін қамтиды.
.jpeg)
